Мефедрон ехкачо 11 шу суд токхаргья
16.10.2024 10:46
Мефедрон яхача наркотикаца базар лелаеш хиннача Магаса вахархочоа, 11 шу суд кхайкайир вай мехка. Из хоам «Сердалога» бир Ӏаьдала болхлоша.
«Магасерча кхален судо оттадаьчох, интернете гӀолла цу «дохьажаца» базар лелае лаьрхӀа хиннав зуламхо. ДӀадахача шера гурахьа ший машинаца Ставрополера 198 грамм мефедрон ений цо республике харцбаьнна леларашка йохка», - белгалдир прокуратуран болхлоша.
Ше вӀашагӀъелла бӀеха базар дӀаяхьа аьттув баьннабац цун, Ӏаьдала болхлой кадай хиларах. Цу дохьажаца Наьсаре дӀалаьцар из полице викалаша. Судо 11 шу ха техар цунна. Ше лелабаьча харцача наькъа уйла е ха шортта хургья цунга.
