Вайцига болх бе йолаелар, «Говзанчий мохк» яха халкъашта юкъера кхетаче
ГӏалгӀай мехка болх бе йолаеннай, «Говзанчий мохк» яха халкъашта юкъера кулгаговзала, начӀала кхетаче. Из сийрда цӀай санна тӀаийцар Россерча моттигашка меттел, кхыча паччахьалкхений говзанчаша а. Фестивала доакъашхоша боккхача безамца хьагойт шоашта карагӀдоалар, дӀа-юха екъ балха говзал.
Фестиваль дӀахьош я гӀалгӀай паччахьалкхен 100 шу дизара цӀай хиларца дувзаденна, из хургья массехк дийнахьа. Цу юкъа доакъашхоша дукха говзанч-хьехамаш дӀахьоргда тайп-тайпара халкъа кулгаговзалаш, начӀалаш гойташ. Уж да топпара пхьегӀаш, цӀоках яь хӀамаш, дахчан балхаш дар, сурташ дахкар, иштта кхыйола говзалаш.
Кхетаче кийчбергба гойтам, хӀамаш довзийтар, цига хӀаране таро хургья ший кулгашца цхьацца хӀама хьакхолла.
«Говзанчий мохк» яха фестиваль Магасе дӀахьош хилар лоархӀаме да, из кхетаче дукхача хана дагайоагӀаш хургья цига дакъа лоацача говзанчашта, халкъа начӀал, кулгаговзал езарашта, цар таро я кхоллама дуне го, Россе дукхача къамий культура, Ӏадаташ довза.
