Татрий эчпочмак кечъе ӏомабир вай мехкахой
04.12.2025 09:23
Татрий къаман даар – эчпочмак кечъе ӏомалуш хилар вай мехкара пресс-наькъа доакъашхой. Казанерча эчпочмака Цӏагӏа-музее дӏабихьар из болх. «Сердалога» из хоам бир цу юкъе хиннараша.
«Чӏоагӏа хоза тоаяь латтача моттиге дӏабихьар из хьехам. Шоай къаман дувхар, татрий наха лелаеш хинна пхьегӏаш, иштта кхыдараш гойтар цар хьаьшашта. Разалияс татрий культураца, истореца дувзаденнараш довзийтар цига. Логӏарца кечбаьча бедах кхаь саьна дола коартол, дулх чуделла хингалаш хьаде ӏомабелар вай республикера цига бахараш», - дийцар тха газетага.
Царна юкъе хиннача Йовлой Хьавас дийцачох, массане дог ураоттадеш хьайзар из кхетаче дӏахьош хинна Разалия. Цӏихеза эчпочмак мишта кийчъю ха ловш бар берригаш.
