Кердача шера хетаяьча кхетаченашка кхерамзлен хьал лорадарах дийцар Магӏалбике
Магӏалбикерча администраце дӏайихьача кхетаче, кхерамзлен хьал лорадарах, цӏераш ювргйоацаш тӏахьожам лоаттабарах дийцар. ӏан хана, кердача шера хетаяь кхетаченаш дӏакхухьача хана, из къаьстта лоархӏаме долга белгалдир кхетаченна кулгал деш хиннача кхален хьалха латтача Къоастой ӏаддал-Хьамида.
«Кердача шера хетаяь кхетаченаш, цӏай дӏахьош; геттара чӏоагӏа фийла хила веза кхерамзлен хьал лорадеш. Цӏерцара хатараш ца даржийта хьажа деза массайолча моттигашка. Дукха адам гулденнача моттиге, цхьа лоадам бац аьнна хетача хӏамах а доккха зулам дала тарлу, цудухьа лакха терко еш хила веза хӏара моттиге», - дийцар «Сердалога» шахьара администраце.
Хьалъохкаш йолча гирляндашка, токаца бувзам болча кхыдарашка геттара чӏоагӏа хьажа веза. Къоастой ӏаддал-Хьамида теркалдир; ханнахьа, боаггӏача боараме болх дӏахьош хиларо, цӏаьхха нийслуш долча хатарех лоравелга. Цу оагӏонцарча комиссена тӏадиллад, из гӏулакх лакха терко еш, лерттӏа чакхдаккха аьнна.
