Эндокринни лоархӀаш долча лазарашцара болх дӀаболабир мехка
ХӀара шера укх беттарча 25-ча дийнахьа дездеш долча дерригача дунен турса хьисаперча оъан ден хетабаь, чурча лазарашта духьала болх дӀахьош ба вай мехкара эндокринологаш таханарча денгара дӀаболабенна, 25-ча денга кхаччалца. Цунна тӀатайжа, шоай Телеграм-оагӀон тӀа эндокринни лоархӀача лазарех яздергда Шолжа-Шахьарерча ЦРБ лораша. Цар белгалдечох, таханарча дийнахьа цу оагӀонцара лазараш геттара даржаш латт вай мехка, къаьстта дукха ба диабет дола нах.
«Уж лазараш хьахулача бахьанех, царех мишта лоравала веза, дегӀаца цу оагӀонцара лазар долга мишта ха йиш я, малагӀа бахьан хоаделча тӀаваха веза лорашта, дувц оаха бахархошка.
Иштта, моллагӀа хаттар дала йиш я лорашка, хӀарадар доашхаш жоп лургда оаха. Массане кхетаде деза, турса хьисаперча оъанна терко е езилга, вай дегӀа эшараш боаггӀача боараме лоаттадер цун болх болга, цу оагӀонца дувзаденнараш кегаделча, вай дерригача дегӀа могашал эшалулга. Цунга хьежжа, каст-каста лорашта тӀаводаш, ший унахцӀенон хьал тохкаш, хила веза саг», - белгалдир Шолжа-Шахьарерча ЦРБ.
