ГӏалгӀайче дӀайолаелар «Турпалхочун никъ» яха СВО бӀухошта йола дешара программа
ГӏалгӀайче дӀайолаелар «Турпалхочун никъ» яха дешара программа, ЛаьрххӀача тӀема операце бӀухошта йолча проекта чуйоагӀаш, яхаш, дийцар «Сердало» газетага «Даьхен лорбой» ганза филиале.
«ЛаьрххӀа йола кхетаче а, хьалхара дешар а дӀадоладир «Мужече» яхача спортивно-Ӏомабалара моттиге. Дешара программаца ГӏалгӀайче баьхкар Российски халкъа боахама, паччахьалкхен гӀулакха Российски Федераце Президента чуйоагӀача РАНХиГС академе хьехархой.
Укх шера цар хьехаргда лаьрххӀача операце 40 бӀухочунна, уж ба 174 кандидатацара хьакъоастабаьраш»,-аьлар хоамо.
Цигара дӀаболабелар Лакхарча ишкола паччахьалкхен РАНХиГС программах йолча кийчон болх, цунна чудоагӀаш да лекцеш, стажировкаш, вебинараш, проекта болх, хьехамчашца бувзам хилар.
«Турпалхочун никъ» яха проект керттера дакъа дӀалоацаш я СВО ветеранаш хьаллацара, хӀана аьлча из лаьрхӀа я уж гражадански вахарга бахарал совгӀа, цар кердача хьалашка шоай уйлаш кхоачашъяра. Из лоархӀаме гӀа ба юкъарло хьакхоллара боаккхаш бола, цига хӀара турпалхочун йоагӀаш йола терко лоаттаю, уж хьал а лоац эшача», - аьлар ГӏалгӀай Республикан «Даьхен лорбой» ганза кулгалхочо Оздой Муслима.
