ТӀаэттай цӀерах лоравала веза ха
ГӀалгӀайчен Ӏалама Министерствос, тушола бетта 17-ча дийнахьа денз, ден а бус а болх бу. Ца хадаш республикан хьун даькъ тӀара хьал тохкаш, цӀи ялара кхерам болаш моттиг йий хьожаш, хургба ГӀалгӀайчен Ӏалама Министерствон центра болхлой, яхаш, дийцар боахаме.
2025 шера цӀи ялара кхерамзлен Ӏалашо яь хургйолаш, хьунашкара цӀи йоаяра болча болхлоша шоай техника, кхыдола гӀирсаш тоадаьд, кийчъяьй цӀерца къовсам лоаттабара дола гӀирсаш лоаттаду моттиг.
«Цул совгӀа, хьунагӀа яьнна цӀи йоаяра йолча центра ха оттадаьд, цунна юкъевоагӀаш ва 45 саг.
Даим цигара хьал тохкаш хургба лаьрххӀа бола болхлой, шо-шоай тоабашка бекъабенна, ГӀалгӀайчен доазон тӀа яьнна цӀи йоаяра йолча кийчонца.
ЧӀоагӀбаьб 96 никъ, 280 километр дӀаьха да уж, царга гӀолла из хьал тохкаш хургда.
Дицдеш ма хила, цаховш Ӏокхесса гӀаьле е йокъаенна баьцаш йолча лотаяь цӀи минот ялалехь дӀа-юха йодаш хилар, цо хӀалакьергья хьу», - аьлар хьун боахаме.
