Наьсаре - Юкъера Ачалкхе яха никъ тоабеш латт
03.02.2025 17:01
Наьсаре - Юкъера Ачалкхе яха никъ тоабеш латт вай мехка. Из хоам «Сердалога» бир машиний наькъий гӀулакхех йолча министерствос. 2,2 км да беркатеча къаман проектага гӀолла тоаде доладаь цу наькъа дакъилг. Карарча хана кӀалхара кӀийле нийсъеш боахк болхлой, тӀаккха массехказа буллаш асфальт тӀабулларгба.
«Боккха болх ба цига чакхбаккха безар. Наькъа хьал боаггӀача боараме, кхераме доацаш хилийта хьажа веза болх дӀахьош. Тоабаь йистебаьлча; паргӀата, бахархой гӀадбугаш, никъ хургба цох»,- дийцар тхога цу оагӀонцарча министерствонна кулгал деча Хаматханаькъан Батыра. 2025-ча шера 11 никъ ба республике цу беркатеча проектага гӀолла эргабаккха безараш.
