«Шоай спортацара кийчо хьагойтар хьалхарча дийнахьа 100 совгӀа спортсмена. Кагирхой гӀулакхах йолча комитета бийха, цига дакъа лоацаш бар ММА латархо вола Емельяненко Александр, «Беркут-юг» ОМОНа воккхагӀвола психолог Доврбиканаькъан Хьасан. ВӀашагӀкхетар дӀадахьа тӀадиллар спортивни латарах йолча вай мехкарча федерацен вице-президент волча Янданаькъан Аптена»,- йоах тхога бенача хоамо. «ГӀалгӀай мехкарча кагирхой спортацарча бувзамах дувцаш хеза ва со. ЛаьрххӀа кхайкá, се укхаза хьавехар а дика хет сона. Гуш да, Кавказе кхийнача кагирхой низ ший тайпара болга», - аьлар Емельяненко Александра. Белгалдаккха деза, кагирхошта юкъе спорт йоаржаярах йола яхьаш физически культурах йолча министерствос хьаллоацаш дӀахьош йолга.