Кагирхошта юкъе, Даьла духьа гӀо дар доаржаду
11.02.2025 09:49
Даьла духьа гӀо деш хилара юкъе, ма хулла дукхагӀа кагирхой чуоза лаьрхӀа болх ба мехка дӀахьош. «Хьалхарчар болам» яхача оагӀоно дӀайихьача кхетаче дийцар цхьацца кердача проектех, кхоачашде лерхӀарех. Из хоам «Сердалога» бир цу моттигера.
«Кхетаче дакъа лоацаш бар цу оагӀон кулгалхочун гӀонча вола Пхьошанаькъан Зоврбик, гӀо деш леларий оагӀон кулгалхочун гӀонча Гоамакортанаькъан Мустафа, «Дика де» яхача ерригача Россе проекта куратор Мазенаькъан Апти. Кхетаче дийцар «Кагирхойи бераши» яха проект йоаржаярах, укх шера дӀаяхьа лерхӀача кхетаченах. Дешархошта, студенташта юкъе дикка хьаллоацаргда аьнна хетача гӀулакхех дийцар гулбеннараша», - йоах тха газетага кхаьчача хоамо.
