ГӏалгӀай мехка совгӀаташ делар, спортивни яхьашка дакъа лаьцача СВО бӀухошта
ГӏалгӀай Республикан физически культуран, спорта Министерствон кулгалхочо Белхарой Руслана совгӀаташ делар Украине дӀахьош йолча тӀема операце доакъашхошта, уж дакъа лоацаш хилар Ставрополе дӀахьош хиннача мехкашта юкъерча яхьашка. Из хоам «Сердало» газетага бу «Даьхен Лорбой» яхача ганза филиала кулгалхочун гӀонча йолча Новрбенаькъан Фаринас.
«Спорта министра цӀерагӀа даькъалабийцар «Даьхен Лорбой кубка» доакъашхой Цӏечой Джамалейла, Хьоашаланаькъан Абукар, Хазанаькъан Ӏаьла, Махлой Микаил. Грамоташ дӀалуш, Белхарой Руслана белгалдир, лаьрххӀача операцен доакъашхой массаза а хьинар долаш, массанахьа дакъа лоацаш, мехка вахаре накъабоалаш хилар», - аьлар тхоца къамаьл даьчо.
Иштта белгалду, физически культура, спорт дегӀайоалаеча дика дакъа лацарах «Даьхен Лорбой» яхача ганза филиала кулгалхочунна Оздой Муслима грамота елар.
