«Дешара, Ӏилман министра декхараш кхоачашдеш волча Цхьорой Ахьмад-Башира даькъалабийцар котбаьнна хьехархой, иштта цо белгалдир ОБЖ хьехархой болх лоархӀаме хилар, къаьстта кхувш йоагӀача тӀехьенна вахара кхерамзлен оагӀув царна хьехаш хиларах», - йоах хоамо.

Котбаьннарашта юкъе дика хьехархой ба. 1-гӀа лоархӀам бола дипломаш делар Саганаькъан Салмана Аьсета (Наьсарен №5 йола юкъера ишкол), Ховтанаькъан Мусай ИбрахӀима (Южнера №28 йола ишкол).

2-гӀа лоархӀам бола дипломаш делар Хьулахой Тухана Руслана (Эккажкъонгий-Юрта №2 йола юкъера ишкол), ГӀазакханаькъан Батыра Ахьмада (МагӀалбика №18 йола юкъера ишкол).

ЧӀоагӀа лоархӀаме да, вахаре этта хьал, кхерамзлен кердадараш довза бераш Ӏомадеш болча хьехархошта совгӀаташ далар.