Хӏаман хьисап доаца бахархой бехктокхаме озаргба мехка
30.09.2025 12:32
Наьха паргӏатонна хьадаь хӏама толхадеш лела дер дайнараш бехктокхаме озаш болх лоаттабергба мехка. Шолжа-Шахьарерча администраце хьагойтар цун масал.
Шахьара мэре белгалдечох, дукха ха йоацаш хьайийллача парке оттадаьча гӏандаш тӏа, истолаш тӏа урсаца секаш доахаш, сурташ дехкаш, телефона номераш дӏаязъеш, кхийстав цхьа дер дайнар.
Хӏаман хьисап доацар хьалехав, ше даь зе юха меттаоттадайтаргда цунга. Администраце болхлоша кагирхошца къамаьл даьд, наха паргӏатон оттадаь хӏама толха ма де, хьаькъале хила; цул совгӏа, из тайпара ийрча хӏама леладу дер дайнараш совцабеш хила, яхаш.
«Массанена хьалхадоаккх, ӏаьдало оттадаь хӏама толхадаьр бехктокхаме озаргва, цхьаккха шеко йоацаш», - белгалдир мэре.
