Республикан кулгалхочо хьоахадир, из гӀулакх Ӏаьдала болхлошца, прокуратураца бувзам лелабеш, лакха терко еш, дӀабахьа безилга. Экологе хьал лорадераша шоай болх лакхача боараме дӀахьолга теркалдир Мехкадас.

Хьунаш меттаоттаеш, дукхача хана денз балийна яьнна кхалажаш дӀайоахаш; хиш, хин гонахьара моттигаш цӀенъеш; боккха болх ба тахан мехка дӀахьош латтар. Укх тӀехьарча шерашка, вай мехка дукха гаьнаш дӀаегӀай, хьайийллай керда салоӀа зӀамига а йоккха а моттигаш.