Тешаме йоаца хӀама яйча, де дезар хьалхадаьккхар бахархошта
МоллагӀча моттиге шоашта тешам боаца хӀама яйча, фийла хила, яхаш, кхайкарал ду МВД болхлоша бахархошка. Из хоам «Сердало» газетага бу МВД.
«Лелхаш йола хӀамаш зуламхоша чуехк тӀормигашка, пакеташка, кӀопилгашка, телефонашка, берий ловзаргашка. Иштта йола хӀамаш нийсъяла йиш я автобусашка, подъездашка, моллагӀа йолча балха моттигашка, дукха нах болча», - белгалду хоамо.
Бахархошта хьалхадоах, иштта йола, саг тӀа ца водаш улла тешаме йоаца хӀама хоаелча де дезар. Эггара нийсагӀдар - Ӏалаьмате чехка полице телефон тохар.
Цхьаккха а тайпара юхеваха, кулг тоха, хьаяста мегаргьяц иштта тешам боацаш, тӀаводаш дá воацаш улла хӀама. Нах юстарбала беза, иштта хӀама яйча. Из деррига хьалхадоаккхаш, хьехар де деза массанахьа ловзаш долча берашта. Иштта хӀама нийсделча, телефон дӀатоха еза: «02», МВД - 8(8734)55-04-99.
