Вӏашагӏъийнача латарах болча спортсменашта удостоверенеш дӏадийкъар
Вӏашагӏъийнача латарах болча спортсменашта удостоверенеш дӏалуш, кхетаче хилар цу оагӏонцарча мехкарча министерстве. Из хоам «Сердалога» бир цигарча зарбан болх лелабеча Гӏаппархой Аишас.
«Халкъашта юкъерча класса спорта говзанчий хьаракаш, удостоверенеш делар спорта гӏулакхех йолча министерствон кулгалдеча Белхарой Руслана, дунен Чемпионате белгалбаьннача Сириевгӏар ӏаддал-Малика, Хьулхой Юсуфа.
Малсаганаькъан Мухьмада, Иленаькъан Ясира Россе спорта говзанчаш яха цӏераш елар. Россе Чемпионате, иштта ерригача Россе яхье дикка белгалбаьннарех ба уж», - дийцар тха газетага. Белхарой Руслана дӏахо спорта наькъ тӏа иштта лакха толамаш доахаш, тахан санна лакха говзал гойташ, дӏачакхбала даькъалабийцар спортсменаш.
Иштта цо теркалдир, Шоанахой Вахас кулгал деш йола вай мехкара ийнача латарех йола Федераци ший болх лакхача боараме дӏахьош йолга.
