Cага вахара бокъонаш телхаяр соцадир
Гӏалгӏай мехкара сага бокъонаш лораю викал волча вера Эккажкъонгий-Юрта ваха, къоаналца дувзаденна пенси ийду саг. Цо хоам бир, мел эшаш дола каьхаташ дӏаденнадар ше, аьнна. Ший пенси хьа ца луш соцадаьд, цул совгӏа хаттар меттагӏара доалаш дац укх ах шера, цудухьа са рузкъан оагӏув дикка эшабеннаб, вхара бокъо а телхаяьй, яхаш, дийцар цо.
«Цун бокъонаш меттаоттае дагахьа, бокъонаш лораечо дикка техкар из гӏулакх, цул тӏехьагӏа Россе Вахара ганзе дӏадахьийтар цу дешага хьажар дехаш дола каьхат. СФРо из гӏулакх техкар, деррига эшаш дола каьхаташ кхоачам болаш дий хьожаш. Цу тайпара цу сага страховой пенси эцара йола бокъо чӏоагӏйир»,-аьлар «Сердало» газетага, Гӏалгӏай Республикан УПЧ хоамий даькъо.
Россе Вахара ганза дӏабихьача тохкама балха кӏийлен тӏа, республикан вахархочун 2025 шера бекарга бетта 1-ча дийнахьа денз соцадаь лаьтта страховой пенси хьадала лаьрхӏар, иштта цу юкъа тӏакхеташ дар а дӏалоархӏаш. Цу балхо хьагойт, сага бокъо лораяра института къахьегам пайда луш болга.
