Эса хиво Ӏовихьа хинна саг коравир
14.06.2025 00:09
ГӏалгӀайче коравир 59 шу даьнна Эса хиво, сиха доагӀаш хиларах, Ӏовихьа хинна саг, яхаш, хоам бу ГӏалгӀай Республике гӀолла йолча Россе МЧС керттерча урхаллено.
«Тахан 15 сахьат 29 минот яьннача хана, Эса хи тӀа, Шолжа кхален Оалкам, Тӏаргим оалача юрташта юкъе халача хьале нийсвелар цхьа маӀа саг. Йоккха юкъ ялалехь, из венна хьакоравир ше чувежа хиннача хи чура», - аьлар хоамо.
