«Ади-Ахмад» яхача спорта клубанна керда воккхагӀа вола хьехамча хьожавир
27.03.2025 10:33
Республикерча спорта гӀулакхех йолча Министерствонна хьалхалаттача Белхарой Руслана соцам баь, «Ади-Ахмад» яхача спорта клуба воккхагӀа вола тренер вир Даниелян Григорех. Из хоам «Сердалога» бир цу моттигера.
«Республикерча эллиной-румий оалача латарах йолча гулъяьча тоабан тренер волаш, дикача оагӀорахьара белгалваьннав Даниелян Григорий. Лакха говзал йола тренер хиларал совгӀа, Россе цӀихеза спорта говзанча ва из», - йоах хоамо.
Цу моттиге лакхача боараме къахьегаш, дика толамаш доахаш дӀачакхвала даькъалавийцар из министра.
