«Кулгалде оттаваьча дийнахьа денз, цун дӀабахьа беза болх боккха ба. Спорта элгаца моттигаш тоаеш, тишденнар хувцаш, гӀишлон гонахьарча доазон куц эргадоаккхаш къахьега деза цига. Лакха тӀахьожам беш, бехктокхаме, боаггӀача боараме чакхбаккха безаш боккха болх ба из», - йоах хоамо.

Министерствон кулгалхочо белгалдир, ЦӀечой ИсмаӀал болх бе дӀаволавеннача бетта, дикача оагӀорахьа ше хьахьокхаш, хьалхашкара декхараш дизза кхоачашде хьожаш, хьавенилга.

ДӀахойодача хана а спорта хьал тоадергдараш доаржадеш, хьинаре къахьегаш, дӀагӀоргварех ва, аьнна, цох тийша ва кулгалхо.