Математиках, информатиках, физиках болча дикагӏча хьехархой цӏераш яьхар мехка
«Математиках, информатиках, физиках толашагӏа вола хьехархо» яхача яхьашта хетаяь кхетаче дӏайихьар дешареи ӏилмани гӏулакхех йолча Министерстве. Цу оагӏонца хьинаре, тӏехдика къахьегаш хьабоагӏаш бола хьехархой хьабовзийтар вайна яхьаша. ӏ, ӏӏ, ӏӏӏ оагӏонашцара дипломаш луш, белгалвир толашагӏа ва аьнна хьакъоастабаь 12 хьехархо.
«Лакха начӏал долаш, шоаш хьаийцача балхаца лерхӏам болаш, кагирхой кхетам лакхбеш хьабоагӏаш бола вай хьехархой гучабахара, белгалбара тӏехьа дӏахьош яр яхьаш. Тахан цар дӏахьош бола никъ дукха къахьегам эшаш ба, цунга хьежжа, хам баь варгвоацаш да дикача хьехархочо дӏахьош дола гӏулакх», - дийцар «Сердало» газетага министра гӏончас Мужахой Мадинас.
Министерстве белгалдир, иштта йола яхьаш дӏакхахьар тахан лоархӏаме долга, хӏана аьлча хьинаре къахьегаш хьабоагӏача хьехархой дог ураоттадеш, балхацара безам кхы а чӏоагӏагӏа лакхбеш, хул из гӏулакх.
Цу оагӏонцара яхьаш хӏара шера дӏакхахьа езилга белгалдир гулбеннараша.
