Хьалхабаьннарий цӀераш яьхар республике
29.07.2024 10:33
Магасерча культурахи, спортахи, туризмахи болча оагӀоно оттадаь ма хиллара, Магасерча гӀалан чу сихагӀа урагӀваха ялх спортсмен белгалбир мехка. Из хоам «Сердало» газетага бир ЦКСиТ кулгалхочун гӀонча волча Янданаькъан Абте.
«14-15, 16-17 шераш даьннарий тоабаш хьайир цига. Магасе ягӀача гӀалан чугӀолла урагӀбаха безаш бар уж. Из бӀаьха никъ урагӀхьош, йоаяьча ханага хьежжа хьахержар котбаьннараш»,- йоах тхога бенача хоамо.
Янданаькъан Абте белгалдечох, иштта йолча яхьаша берий спортацара безам, бувзам чӀоагӀбу, дӀахойодача хана а дӀакхахьа лаьрхӀад цар цу мугӀарера кхувш латтарашта юкъера яхьаш.
