Спорта министра керда гӀонча хержар
22.05.2025 12:07
Физически культурахи спортахи йолча министерствон кулгалхочун керда гӀонча хержар тахан. Вешкаранаькъан Адама тӀалаттаргда уж декхараш, таханарча дийнахьа денз. «Сердалога» из хоам цу моттигера бера.
Спортаца дувзаденнараш доаржадара тӀехьа къахьегаш хьавенав Вешкаранаькъан Адам, ше спорта юкъевенача хана денз. «РФ физически культуран, спорта цӀихеза болхло» яха цӀи елар цунна; бахархой спортаца бувзам лоаттабара тӀахьехаш, из гӀулакх доаржадеш къахьегарах.
2023-ча шера денз, республикерча хоккейни моттига кулгалхочун декхараш кхоачашдеш хиннав из. Кагирхошта из оагӀув безабалийта хьожаш, къахьийгад цо.
Кердача балха тӀа из даькъалавувцаш, дӀахо а иштта хьинаре къахьегаш хилара тӀахьийхар из министр волча Белхарой Руслана.
