ХӀанз из ГӀалгӀайчен хьехархой юкъарло гойта езаш ва федеральни яхь дӀахьоча, яхаш, дийцар «Сердало» газетага ГӀалгӀайчен дешара, Ӏилман Министерстве.

«Яхье котваьннача Гатенаькъан Рустама, Илдарха-ГӀалий тӀарча №5 йолча ишкола ингалсий мотт хьехача Базорканаькъан Хадижата, Йоккхача Ачалкхен №1 йолча ишкола исторе хьехархочунна Овшанаькъан Хьавайна, Эккажкъонгий-Юртарча №4 йолча ишкола информатика хьехархочунна Шоанахой Марета ГӀалгӀайчен дешара, Ӏилман Министерстве совгӀаташ делар.

«Россе шера хьехархо» яха яхь лаьрхӀа я хьехархочун балха цӀи лакхъяра, начӀал дола хьехархой гучабахара, дикал йола балха говзал лелаяра, дешара юкъе кердадараш дахара, иштта цахаддаш берашца болх беш болча хьехархой говзал хьаллацара.