Боксах йолча республикан Чемпионате котбаьннарий цӏераш яьхар
Гӏалгӏай Республикан бокса федераце маӏача наха юкъе дӏахьош хиннача Чемпионате котбаьннарий цӏераш хьакхайкайир, яхаш, дувц «Сердало» газетага из болх вӏашагӏбеллараша.
Къилбаседа Кавказа федеральни куран Чемпионата яхьашка дакъа лаца бокъо яккха къовсабала таро хилар Гӏалгӏайчен тайп-тайпарча моттигашкарча тӏоарска кулгахйоаллорга говзанчий.
Царна юкъе бар боксёраш: Тӏоаршхой Аслан (48 кг), Хамхой Мухьмад (51 кг), Бохтаранаькъан Рамадан (57 кг), Йовлой Амеран (63,5 кг), Обенаькъан Хьусен (67 кг), Колой Илез (71 кг), Матенаькъан Ахьмад (86 кг), Дыкаев Рустам (92 кг), Тӏонганаькъан Iаддал(+ 92 кг), Дзовранаькъан Iимран (+ 92 кг).
Борза совгӏаташ даьхар Хоасботанаькъан Жабраила, Беканаькъан Рамзана (57 кг), Тоачанаькъан Ибрахӏима, Харсенаькъан Микаила (67 кг), Лаьнанаькъан Жамалейлас, Хамченаькъан Рамзана (71 кг), Тордиев Расула, Гӏазгиренаькъан Жамалейлас (75 кг), Саккхаланаькъан Iимрана, Гарданаькъан ӏумара (86 кг), Дугенаькъан Рамзана, Хаьшанаькъан ӏалаудина (+ 92 кг).
