«ТолашагӀа йола ишколера столови» яхача яхьашка котбаьннарий цӀераш яьхар республике
26.09.2024 12:49
«ТолашагӀа йола ишколера столови-2024» яхача ерригача Россе дӀахьоча яхьашка котбаьннарий цӀераш яьхар. Эггара хьалхарча мугӀаре оттайир ТӀой-Юртарча № 4 йолча ишколера хӀама дуа моттиг. Из хоам «Сердалога» бир дешареи Ӏилмани гӀулакхех йолча министераствос.
«Яхьашка дакъа лоацаш хилар Йоккхача Ачалкхерча № 15 йолча ишколера кхача кийчбераш, ТӀой-Юртара № 4 йола ишкол, Илдарха-ГӀалий тӀара № 3 йола ишкол, Наьсарера № 21 йола ишкол, «Марем» яха Магасера гимнази. ХьатӀабоагӀача бетта федеральни оагӀон яхьашка вай мохк дӀахьокха гӀоргба котбаьннараш. Аьттув болаш, диканца дӀачакхдоаккхалулда царна из гӀулакх», - дийцар тхога.
Ишколашкара кхача ма хулла дикагӀа, берий унахцӀенон пайда беш, чаме хургболаш дӀахьош я уж яхьаш.
