«Зарница 2.0» яхача ловзаре котбаьннарий цӀераш яьхар
![](http://serdalo.ru/storage/uTBLTmAQtwNAjj5Yj2Gfn2EL4r9ASbJFUJ6AwpxW.webp)
Ерригача Россе тӀемах, Даьхе лораярах долча «Зарница 2.0» яхача ловзаре котбаьннарий цӀераш яьхар вай республике. Из хоам «Сердалога» бир цу оагӀонца къахьегараша.
«Саькура беттагара бӀаьстан шоллагӀча беттага кхаччалца; кагирхойи бераши юкъелоацаш дола тӀема-денала ловзар хиннад вай мехка дӀахьош. Моттигерча кагирхоша шоаш бахача миӀ-миӀингашкара тоабаш вӀашагӀаехкаяр цу гӀулакха», - йоах тха газетага кхаьчача хоамо.
«Ловзар дӀадоладаьча юкъа 5000 совгӀа болча дешархошкара каьхаташ кхаьчад тхога, цу юкъе дакъа лаца безам болаш. Яхьаш дӀайихьар кхаь кхале, 5 мехка доазонашка. ЗӀамагӀбарашта юкъе (10-13 шу) дикагӀчарех я аьнна белгалъяьхар «Кадайбараш 5», «Кавказа низ», «Нартхой», «Юхасовцабе ма могга бараш 03», «Аьрзи 06» яха тоабаш.
14-17 шераш даьннарашта юкъе хьалхабаьннарех ба «Калиб-р», «Патриоташ 006», «Пседах 07», «Патриоташ 06», «Лоам», «Дзурдзукаш», «Аьрзи», «Монолит 06», - дийцар цу балхага хьожаш хиннача Налганаькъан Рамзана.