Ток кхом боацаш йовш хилара бахьанаш дийцар республике
![](http://serdalo.ru/storage/PJbDCRbWjZcRi8YcwV1DFjUEXgNUFbZJ4u91dDxm.jpg)
«Ингушэнерго» яхача оагӀоно дӀахьоча балхах дувцаш йола кхетаче дӀайихьар Парламенте. Мехкарча филиала кулгал деча ТӀоаршхой Рамзана хьадоаладир ток, кхом боацаш, йоаяра бахьанаш.
«Ток йоаяра хьалах дувцаш, депутаташка ТӀоаршхой Рамзана дийцар, 2023-гӀа шу хьаийцача, республикера хьашташ кхоачашде ийцар 2 441.7 млн сомах ток йолга. 50% ток йовш долча керттерча бахьанех да кхом боацача тайпара из йоаяр, тока хьал хьагойташ дола гӀирсаш цалаттар, е уж нийса хьахьокхаш цахилар, иштта геттара дукха ток йоаю цхьаккха тайпара пайда беш йоацаш латтача моттигаша», - йоах хоамо.
ДӀадахача шера токах дӀаденна декхар 67,1% да. 2023-гӀа шу чакхдоалача хана, тӀалаьтта декхар – 7 253,6 млн сом. Декхар доккха хилара бахьан бахархой ахча дӀатела раьза цахиларца дувзаденна да. Кхетаче дийцар цу лостамагӀа юкъедоаладе дезарех, из хьал тоадарах.