Къаманна бицлуш бац, 1944 шера мехкахбаьхача хана бейнараш
18.02.2025 15:09
Вай мехка бицбаь битац 1944 шера саькура бетта 23-ча дийнахьа деррига къам мехкахдаьккхача бейнараш. Из балан ди тӀадоагӀаш, тайп-тайпарча ишколашка кхетаченаш дӀайихьар.
«ТӏадоагӀа ноахалаш исторически бакъдар довзаш хургдолаш, искусствай Паччахьалкхен колледжа студенташта лаьрхӀа экскурси дӀайихьар 1944-ча шера къам мехках - даьккха хиларах болча дагалоаттама Мемориала коа. Дешархошта архивни сурташ гойтар, вайнаьха къамаш Сибре Ӏодахьийтарах бола хоам ма барра бовзийтар. Дешархошта гойтар гаьнарча Казахстана мехка вайнаьха къамаш мехкахдаьха Ӏодахьийтарах дола лоархӀамегӀа дола дакъа», - аьлар дешара моттиге.
Музее хьожаш хиннарашта кӀоаргагӀа яйзар уж ханаш, иштта цар сий дир 13 шера мехкахбаьнна лелаш цига бейнарий.
