Гӏалгӏайчен унахцӏено меттаоттаяра кердача отделене дика толамаш гойт
2025 шера Илдарха-Гӏалан амбулаторе даькъ тӏарча лорий меттаоттавара отделене, ше болх беча йоаккха йоацача юкъа, хьагойтар эшаш а пайдане а хилар.
Цун керттера унахой ба хала лазараш дола, иштта физически лозабаь нах. Таханарча заман лорий гӏирс хилар бахьан долаш, дика кийчбаьча унахцӏенон болхлой таро я лакха говзал йола дарбаш де.
«Лорий меттаоттавар - из я физически а, психологически а, социальни а сага хьал тоадара йола оагӏув. Цо таро лу могашал йоацача наха сихагӏа шоай балха арабала, вахар дӏахо дӏадахьа.
Отделене беш бола болх дика хилар гуш да масалашка. Унахоех цаӏ, сурта тӏа гуш вар, голинг хьалхашка хотталуш йолча моттиге пластика оттаяь, дӏалела кога хала долаш ва. 10 дийнахьа дарба даьчул тӏехьагӏа, цунна дика новкъостал хилар», - аьлар Гӏалгӏай Республикан унахцӏенон Министерстве «Сердало» газетага.
Белгалду, керда лорий кабинет хьайийллай «Меттаоттавара дикагӏа дола лорий новкъостал» яхача программа чуйоагӏаш.
