Арштена хий лоаттадергда кердача гӀувно
21.10.2024 10:40
Паччахьалкхено доккха гӀо дарах, Аршты яхача юртара хин хьал тоадала мегаш да. Из хоам «Сердалога» бир Шолжа кхален администрацера. «Федеральни проектага гӀолла дӀахьош беркате болх ба из. Чамалха яхача юрта яьккхача хий хьаувзача (каптажни) оалача гӀувно цӀена хий лоаттадергда 1500 эзар сагага кхоачаш болча Арште бахача наха», - йоах хоамо.
Из гӀулакх тоаде гӀерташ, дукха хьийзабар, деррига а соцадора цӀена хий цахиларо. Кхыча юртара корайир цу тайпара моттиг, Даьла къахетамца. Хий доацаш, коара балхаш ма хетта дӀакхахьа аьттув боацаш, лийннача бахархошта тахан доккха совгӀат хиннад цу гӀулакхах.
