ГӀалгӀайче хьаллоацаргья кагирхой проекташ, кхоачашъе ловш йола уйлаш
ГӀалгӀайчен кулгалхочо Келаматанаькъан Махьмуд-Ӏаьлас, ше ГӀалгӀай Республикан Парламентага Кхайкарал деш, тӀадиллар мехка кагирхой политикан, туризма Министерствонна, «Россе Кагирхой» яхача къаман проекта карагӀдоалар ГӀалгӀай Республиканна юкъедоаладара болх хьинарегӀа дӀабахьар», - аьлар «Сердало» газетага республикан Кулгалхочун зарбан болх лелабераша.
«Из проект лаьрхӀа я кагирхой а царна бакъахьа хетар а хьаллацара, керда проекташ юкъеяхара. Цо таро лу кагирхошта юкъе во гӀулакхаш даржаргдоацаш, цар начӀал дегӀадоаладергдолаш, тайп-тайпара моттигаш вӀашагӀйохка», - аьлар Келаматанаькъан Махьмуд-Ӏаьлас.
ГӀалгӀайчен кагирхой ба итташ эзараш нах, цар боккхача безамца дакъа лоац дукхача фестивалашка, проекташка.
ДӀадахача шера, Российски Федераце Президента гранташ луча яхьашка, дакъа лоацаш хилар 250 саг, царех 41 котваьлар.
Карарча хана, кагирхой къахьегаш ба шоай цхьанкхетарий ЦӀа хьакхолла дагахьа, цу юкъе дика дакъа лоацаш я лоӀамхой тароний центр. Мехка кагирхошта хьайийллай тайп-тайпара Ӏилман, кхоллама, спортивничулоацам бола шоай доалахьара хӀама хьаделларца ювзаенна оагӀонаш.
