Хила йиш йоаца кхоачамбоацараш
01.07.2024 09:09
Шолжа кхален кулгалхочун гӀонча волча Новразанаькъан Т. хьалхале лелаеш, комиссе дӀабихьача балха юкъе терроризма духьале еча оагӀонцара 453 кхоачамбоацар гучадаьлар. Из хоам «Сердалога» бир кхален администраце.
«Терроризма духьалара кийчо миштай тохкаш, 50 паччахьалкхен моттигага хьожаш, чакхбаьлар комиссе болхлой. Кхалерча 17 ишколан, 10 унахцӀенон моттига, 7 берий беша, 4 спорта моттига, 10 культуран оагӀон гӀишлон хьал малагӀча боараме да техкар цар.
Гучадаьннача кхоачамбоацарех Ӏаьдала болхлошка хоам баьб, цу моттигий хьал дӀахо техка, Ӏаьдала бокъонаш лоархӀаш боацарашта доагӀаш дола гӀод тоха лерхӀ цар», - йоах тхогарча хоамо.
