ТолашагӀа дола доалахьара боахамаш дарашта, доккха ахчан совгӀаташ дергда
Мехка кулгалхошкара доккха совгӀат кхоачаргда эггара толашагӀа коара боахам барашта. Укх бетта 13-ча дийнахьа йолалуш я хӀара шера дӀакхухьаш йола уж беркате яхьаш. Из хоам «Сердало» газетага бир Мехкадаь зарбан болх лелабераша.
«Хоржам беча юкъе керте оттабу бешара чуэцаш бола кхача, из тайп-тайпара хилар, беш хоза кулг тохаш, терко еш лелаеш хилар. Эггара хозагӀа, беркатегӀа беш ярашта дала оттадаьд 500 000 совгӀа ахча. ШоллагӀча моттиге эттачо 300 000 сом дӀаэцаргда, хӀаьта кхоалагӀа моттиг кхаьчачо - 200 000 сом. Иштта бешамаш лелаеча 20 сага 100 000, 50 000 сом дала лаьрхӀад», - йоах тхога бенача хоамо.
Белгалде деза, цу яхьашта юкъе дакъа лаца ловш бола бахархой вай мехка хӀара шера дукхагӀа болга. 2021-ча шера дехар чуденнараш 192 саг вар, 2023-ча шера 570-га кхоачаш бар доакъашхой. Цу гӀулакхо хьахьокх, шоай коа беркате бешамаш кхее ловраш денгара ди мел доал дукхагӀа болга, хӀаьта из дега чӀоагӀа тоам беш да.
