Ток дӀайоайича, хьалсогаш дола гӀирсаш хила деза дешара моттигашка
14.10.2024 14:53
12 дешара моттигá, цӀаьхха ток дӀаяйча хьалсогаш ток лоаттаю гӀирсаш хила деза, аьнна, тӀадиллар МагӀалбикерча прокуратуро. Из хоам «Сердалога» бир Ӏаьдала болхлоша.
«Ток дӀаяйна хӀама хилча, ток лоаттаю гӀирсаш дий хьожаш, тохкам дӀабихьар лоархӀамеча моттигашка. Гучадаьлар, МагӀалбика кхален 12 моттиге уж гӀирсаш доацилга», - йоах прокуратуро беча хоамо.
Цу гӀулакхо хьагойт, цӀаьхха ток дӀайоаяь хӀама хилча, дешара моттигаш цу гӀулакхага кийча йоацилга. Берий, хьехархой бокъонаш лорацаяр хул цох. МагӀалбикерча суде дӀачуденнад из гӀулакх прокуратуро. ТӀадиллад, 12 дешара моттиге, хьем ца беш, уж гӀирсаш оттаде, аьнна.
