Ахархой техникуме дешаш болча студенташца кхетаче дӀайихьар юкъара болх бечар
24.12.2024 10:35
Наьсарерча ахархой техникума студенташца вӀашагӀкхетар дӀадихьар республикан МВД Юкъарча кхела кулгалхочун гӀонча волча Ӏаьлаханаькъан Ӏалихана, Магасерча МВД даькъа Юкъарча кхела кулгалхочо Гаданаькъан Ӏаьлас.
«Кагирхой уйлаш, лерхӀамаш тохкаш, уж нийсача наькъ тӀа бахара тӀехьа дӀакхухьаш ба из лоархӀаме болх», - йоах тха газетага бенача хоамо.
Кагирхошта дийцар наркотикаша, иштта кхыйолча сага кхетам тувлбеча хӀамаша сага дегӀа деча зуламах, ишттача наькъ тӀа баьннараша шоай ираз доадеш хиларах. Кхувш латтараш терроризм яхача доккхача зуламах лорабеш, царна нийсадар хьалхадоаккхаш еш йола аргӀанара кхетаче яр из.
