ГӀалгӀай мехка дийцар инвестицей хьал тоадарах дола дешаш
30.01.2025 16:52
ГӏалгӀайчен паччахьалкхен кулгалхочун гӀонча волча Зурабанаькъан Ювсапа кхетаче дӀайихьар, цига дийцар инвестицей хьал тоадара йолча Къаман толам баккхара юкъе республико дакъа лацарах.
ДукхагӀча даькъе терко тӀаяхийтар, инвестораш тӀаозаш хургйолча оагӀонна. Цо белгалдир, паччахьалкхен керттера декхар инвестицей хьал тоадар долга.
«Вай декхар да инвестицеш юкъеяхара дика хьалаш хьакхолла, цо экономически хьал дегӀадоаладергда, цунца керда балха моттигаш хьакхолларгья, вай бахархой вахара хьалаш тоадергда», - аьлар Зурабанаькъан Ювсапа.
Белгалде деза, инвестицей хьал дикагӀа мел хул, бизнес дегӀаяра даькъ тӀара таронаш а тоалургья.
