Кхалажаш ягар соцадарах дийцар республике
ЦӀи яьржа хиннача доазонга хьежачул тӀехьагӀа, МагӀалбикерча прокуратуре дӀайихьача кхетаче дакъа лаьцар Ӏалама гӀулакхех йолча министерствонна кулгал деча Хьулахой Саварбика. Из хоам «Сердалога» бир цу министерстверча къахьегамхоша.
«Кхетаче дакъа лоацаш бар администраце кулгалхой, Ӏаьдала болхлой, иштта кхыбола хьакимаш. Кхалажа доазон тӀа каст-каста цӀи ювлаш дола гӀулакх мишта соцадергда дийцар цига. ТӀехьа тӀайоагӀача хана цу тайпара хӀама кхы хургдоацар юкъедоаладе дезилгах хьоахадир вӀашагӀкхетаре», - йоах тхогарча хоамо.
«Экосистема» яхача ООО оагӀон балхаца я цӀи яьнна хинна кхалаж. ДӀа-хьа яьржа хинна цӀи лаьрххӀа бульдозер йоалаяь дӀайоайир. Цу оагӀонцарча балха тӀа болча къахьегамхоша кхайкарал ду бахархошка, нувхаш дӀакхувсаш дола гӀулакх лакха терко еш, цӀи ялара кхерам бола хӀамаш вӀашагӀ ца эеш, леладе яхаш. Боккъал а лораде Дала хьаденна беркате Ӏалам, ма де цунна зе!
