ООО «Карьероуправление» яхача ООО кулгал деча Овшанаькъан ИбрахӀимца, лаьттанцарча бийдала гӀулакхех болча оагӀон болхлошца кхетаче дӀайихьар министерствон кулгалхочун декхараш кхоачашдеш волча Мизенаькъан Микаила. ГУП «Ингушкарьероуправленех» ООО «Карьероуправлени» хьахиларах тарра, Ӏалама гӀулакхех йолча Министерствос лицензена юкъе хувцамаш доаладаьд, кхыдола керда декхараш тӀадаьхкад цунна», - йоах хоамо. ХӀанзчул тӀехьагӀа юкъедоаладаь кердадараш керте лоацаш, дӀакхахьа безаш ба цигара болх.

Цу юкъе да бийдал ийца йодача машина гата тӀатохар. ТӀера Ӏоухаш йолча бийдало наькъаш бӀехдергдоацаш юкъедаьккхад из. Иштта, ийлуш бола дом бужабеш, хий детташ лаьрхӀа машин хила еза царга. Лаьттах хьаяьккха бийдал из деррига лорадеш мара дӀа-хьа кхахьа йиш яц. Лаьттанцара, техникацара каьхаташ юха кердадаха дезилга белгалдир кхетаче. Лаьттанцара бийдал йоаккхаш барашта хьалхадаьккхар, из болх кхерамзлен хьал лорадеш, цхьаккха хӀама зехьа ца доадеш, дӀакхахьа безилга.