ГӀалгӀайчен мехкдаьттан оагӀонца дувзаденнараш тоадарах дийцар
Республикерча Паччахьалкхен хьалха латташ волча Сластенин Владимира кхетаче дӀайихьар «Ингушнефть» яхача АО болхлошца. Мехкдаьтта оагӀонца дувзаденнараш тоадарах дийцар цига. Иштта кхетаче хьоахадир дӀадахача шера чакхбаьккхача балхах, дӀахойодача хана кхоачашде дезарех.
ВӀашагӀкхетаре гулбеннабар цу оагӀонцарча балхех йолча министерствошкара хьакимаш, вице-премьер вола Зурабанаькъан Ювсап. Компане балхаца дувзаденна керттердараш белгалдир «ЦГК ХОЛДИНГ» яхача ООО кулгал деча Камышев Дмитре, «ЦЕНТРГЕКО ХОЛДИНГ» яхача ООО кулгалхочун гӀонча волча Ершов Николайс, АО «Ингушнефть» яхача АО хьалха латтача Ӏарчакханаькъан Ахьмада.
Къаьстта йоккха терко тӀайохийташ, дийцар кхетаче кхоачама гӀулакх тоадарах, экологецарча хьалах, лаьттанца, йоал телара гӀулакхаца дувзаденнарех. Иштта гулбеннарашта дайзар «Ингушнефть» оагӀон хьал тоадеча йӀаьхача программаца дувзаденнараш. Цу юкъе да цаӀ мехкдаьттани шиъ газамехкдаьттани моттигаш болх бе кийчъяр.
Мехкарча кабмина белгалдир; керттера декхараш кхоачашдара тӀехьа болх дӀаболабе кийча я ше, аьнна. Сластенин Владмира цу кхетаче теркалдир, мехкдаьттан оагӀонцара балхаш деш, экологеца, йоал теларца дувзаденнараш геттара чӀоагӀа терко е езаш долга.
