Бахархой унахцӀенон хьалаца дувзаденнарех дувцаш, кхетаче дӀайихьар мехка
УнахцӀенон гӀулакхех йолча Министерствон болхлой, дарбанчешкара кулгалхой юкъе болаш, кхетаче дӀайихьар мехкарча РоспотребтӀахьожама моттиге. Цига дийцар, укх шерарча ворхӀ бетта наьха унахцӀенон хьал лорадара тӀехьа дӀабихьача балхах. Къаьстта йоккха терко йир, лазараш дӀа-хьа цадаржийтара тӀехьа маьхий тохаш бола болх боаггӀача боараме чакхбаккхара. Из хоам «Сердалога» бир унахцӀенон Министерстве.
«Кхетаче гулбеннараша белгалдаьчох, маьхий тохара болх дика дӀабодаш ба карарча хана. Къаьстта болх бе безаш хул из хӀама дӀатӀаэца раьза боацарашца, иштта эскаре баха ха кхаьчарашта маьхий тохаш. Кхетаченаш дӀакхухьаш, бахархошта нийсагӀдар хьалхадоаккхаш дӀахьоргба из болх», - дийцар тхога.
Лазараш геттара даржаш йола ха эттача, эггара хьалха де дезарех дийцар лораша.
Бахархошта боаггӀача боараме гӀо хургдолаш, дарбанчешкара болх дикка тоабе, аьнна, тӀадиллар тайп-тайпарча моттигашкарча кулгалхошта.
