ГӏалгӀай мехка дийцар, пайда хьатӀабоагӀаш йола моттиг чӀоагӀъярах
ГӏалгӀай мехка кхетаче дӀайихьар, республикан Кулгалхочо Келаматанаькъан Махьмуд-Ӏаьлас кулгал деш. Из хетаяь яр пайда луш йола кӀийле чӀоагӀъяра, къайлагӀа балхаш леладарца къовсам лоаттабара. Цига дакъа лоацаш хилар министраш, йоал йоахараш, суда пирстопаш, иштта Роспотребнадзора викалаш.
Республикан Кулгалхочун, Паччахьалкхен зарбан болх лелабераша белгалдир, тӀехьарча пхе шера республика цӏенхаштта ший пайда лакхбеш хьайоагӀаш хилар; 3,2 млрд сомагара 7,2 млрд сомага кхоачаш. Из, Макшарипа Махьмуд-ӏаьлас яхачох, Ӏаьдала болх пайда баргболчча оагӀорахьа дӀахьош хиларах да.
«Оаха пайда луш йола балха оагӏув дика вӀашагӀъеллай, бюджете хьачудоагӀар тешшаме хургдолаш, иштта хьалаш вӏашагӏдехкад дӀахо из дегӀакхувлара. Уж таронаш лаьрхӏа я вахара декхараш кхоачашдара - ишколаш, берий бешамаш хьалъяра, унахцӀено дегӀайоалаяра, наькъаш тоадара», - аьлар мехка Кулгалхочо.
Цо иштта терко тӀаяхийтар йоал дӀаялараи вахара хьалаш тоадараи юкъерча бувзама. Керттерча декхарех цаӀ да, йоал ца луш лелаеш йола бизнес гучаяккхар. Мехкадас тӀахьийхар, шоай доалахьара хӏама хьадераш дӏаязбара болх тоабара; марках дола товараш дохкара хьал учёт йолаш хилийтара, цох доагӀаш дола йоала декхар хьадаккхара.
Кхетаче чакхйоалаш, ГӏалгӀайчен Кулгалхочо вице-премьера тӀадиллар, хьалхашка оттадаь декхараш кхоачашдара йола план сиха кхоллар.
