ГӀалгӀай мехка дийцар, дезала могашал меттаоттаярах
Вай республике Х-гӀа ерригроссийски Ӏилма-практически конференци дӀайихьар «Дезала могашал» яхача темах, из вӀашагӀъеллаяр ИнгГУ, ГӀалгӀай Республикан унахцӀенон Министерствоца цхьана. Цига дакъа лоацаш хилар СКФО массайолча моттигашкара 180 саг, иштта Москвера а.
Кхетачен керте бар - ИнгГУ Ӏилман балха проректор, экономически Ӏилмай кандидат Чуранаькъан Ахьмада Лиза, ГӀалгӀай Республикан унахцӀенон министр, лорий Ӏилмай кандидат Ӏалбаканаькъан Ӏаддал-Мажита Зара, РКПЦ керттера лор, Ӏилмай доктор, профессор Къоастой Ӏабаса Зарета.
«Сердало» газетага керттерча республикан вуза зарбан болх лелабераша яхачох, цига дийца хаттараш доагӀаш дар, бер а иштта ноаной а лергбоацаш дола хьалаш вӀашагӀдохкара, иштта цунца дувзаденна дола кхалнаьха магар лорадарах, бераш дӀадаларах лорадарах, берах йолча кхалсага вахара хьалаш дика вӀашагӀдехка хилийтарах, маӀача наьха могашал лораярах.
«Вай мехка сага могашал, вахара хьалаш дика хилар керттерча къаман хьалхашка латтача декхарех лоархӀаш да. Цудухьа вай маьхалдоахаш да паччахьалкхен, юкъарлон декхараш, из тӀадерзадаь да бахархой могашал дикагӀа хилийтара. Цо таро лу нах дукхагӀа дегӀаахара йола таронаш йоаржае, цунца цхьана бераш деш ноаной а, бераш а леш дола хьал ма хулла лаьгӀде», - аьлар кхетаче.
