ЦаӀ йолча паччахьалкхен экзаменца дувзаденнарех дийцар республике
23.05.2024 09:22
Экзаменашта тӀахьожам беча комиссе доакъашхой, дешареи Ӏилмани гӀулакхах йолча Министерствон болхлой, иштта кхыбола цу мугӀарера къахьегамхой гулбенна; кхетаче дӀайихьар Наьсарерча № 4 йолча ишколе. ВӀашагӀкхетар дӀадихьар вар министерствон кулгалхо вола Цхьорой Ахьмад-Башир.
«Гулбеннараша дийцар экзаменашца дувзаденнача гӀулакхех, иштта теркалдир, цхьаккха тайпара кхоачамбоацараш, бокъо йоацараш цу юкъе хила йиш йоацилга. БоаггӀача боараме кийча хила деза деррига», - дийцар «Сердалога» дешареи Ӏилмани гӀулакхех йолча Министерствон зарбан болх лелабераша.
Тахан хьалхара экзамен я, республике дӀахьош. Географех, литературах, химех экзаменаш дӀалуш хургба дешархой. Уж Ӏилмаш керттерчарех лоархӀаш да, дӀахо деша отта лаьрхӀарашта лоархӀаме да.
