ГӀалгӀай мехка хьакхайкадаьд, бекарга бетта 10,11,12 салоӀа денош хилар
ГӀалгӀай Республикан Кулгалхочун декхараш кхоачашдеш волча Сластенин В.В. амара кулг яздаьд, ГӀалгӀай мехка бекарга бетта 10, 11,12 денош Ид-аль-Фитраца (Мархаш) дувзаденна салоӀа денош хилар, яхаш, дийцар «Сердало» газетага мехка кулгалхочун зарбан болх лелабераша.
«Из амар арадаларах тарра, цу деношка республикан доазон тӀа корта бохабу малар дохка йиш яц. Боахамий, урхаллений, къахьегама моттигий доазонаш тӀа, иштта доал деча даькъ тӀа ден-бус ха дара Ӏалашо е еза. Дукха нах вӀашагӀкхийттача моттигашка кхерамзлен хилийта дагахьа болх вӀашагӀболларгба МВД. Республикан министрий кабинето цахаддаш хий, газ, ток, нахацара бувзам хилийтара терко ергья. Къаьстта теркама юкъе хургья вахарца ювзаенна моттигаш», - йоах хоамо.
Ид-аль-Фитр денош долаш, ГӀалгӀай мехкарча наха хьалхарча аргӀагӀа Далла Ӏамал ю, сагӀа лу, байнарашта маьл кхайкабу, тӀаккха шоай гаргара нах болча, цар марха къоабала дувца болх.
