ГӏалгӀай мехка хьакхайкабир, мехкарашта юкъерча исламски викторине котбаьннараш
ГӏалгӀайчен столице дӀайихьар, «Хьай ди бовза» яхача мехкарашта юкъе дӀахьош йолча исламски викторине котбаьннарашта совгӀаташ луш йола кхетаче. Цига белгалйир йиъ чӀоагӀагӀа йола доакъашхо, аьлар «Сердало» газетага из вӀашагӀъеллараша.
Ловзараш йистедоалаш хилара чудоагӀаш, дакъа лоацаш хиннараша жоп лора динца дувзаденнача кӀоаргача хаттарашта. Царна исторех, культурах, динах дола хаттараш чудоагӀаш, массехк оагӀув елар, къоастае езаш. Юххера а, котъяьлар, иштта «Ӏарамхи» курортагара совгӀат а даьккхар 20 эзар сома маьха дола сертификат Йовлой Мадинас.
ШоллагӀча мугӀаре яр Тӏоаршхой Ясмина, дика кхеташ хиларах, цунна делар 15 эзар сом. КхоалагӀа, йиълагӀа моттигаш яьхар Цӏечой Заретас, Балай Ясминас, царна 10 а 5 а эзар сома сертификаташ делар.
«Хӏара доакъашхочо гойтар, коталонга кхачара ше дика кийчо яь хилар. Оаха доаккхал ду иштта хьаькъал долаш, дина гӀулакхаш довзаш вай мехкарий хиларах. Баркал оал дакъа лоацаш хиннарашта, цар цунца безам дӀаувш хиларах», - аьлар ГӀалгӀай Республикан кагирхой политикан, туризма министра Малсаганаькъан Адама.
