«КӀалхарваккха Грут» яхача яхье котбаьннараш хьакхайкабир
ГӀалгӀай мехка хьакхайкабир тиша каьхат гулдеш хиннача яхье котбаьннараш, из болх вӀашагӀбеллар яр ГӀалгӀай Республикан кагирхой политикан, туризма Министерствос, из чуйоагӀаш яр экологически проекта, яхаш, дийцар «Сердало» газетага кагирхой цхьанкхетерий ЦӀагӀа.
Из лоархӀаме моттиг дӀахьош, тиша каьхат гулдеш хилар 12 ишколера 9000 дешархо.
ЛаьрхӀар кхоачашдир цар, 11 969 тонн каьхат гулдир. ДикагӀа болх баьрех хилар Наьсарен №5 йола ишкол, цо гулдир 3 136 тонн каьхат. Цу тайпара къахьегарах цу ишкола совгӀата делар 30 000 сом. 2 376 тонн каьхат гулдаьча «Магас шахьара №1 йолча СОШ-Берий беш» оалача ГБОУна елар шоллагӀа моттиг. КхоалагӀа моттиг кхаьчар Дошлакъий-Юртарча №8 йолча юкъерча ишкола, цо гулдир (1 508 тонн)», - аьлар хоамо.
Белгалду, уж кхо совгӀат доацаш, дикагӀа къахьийгача 420 бера ГӀалгӀай Республикан кагирхой политика, туризма Министерствон совгӀаташ лургда.
