Тхэквондох йолча яхьашка котбаьннарий цӀераш яьхар республике
ГӀалгӀай паччахьалкхен 100 шу дизара хетаяь дӀайихьача тхэквондох йолча мехкашта юкъерча яхьашка, котбаьннарий цӀераш хьакхайкайир республике. Из хоам «Сердалога» бир физически культурахи спортахи йолча министерствон зарбан болх лелабеча ГӀаппархой Аишас.
Къилбаседа Кавказа ялх моттигера 120 спортсмен гулвелар мехкарча тхэквондох болча оагӀоно, цу даькъерча министерствос дӀайихьача яхьашка. 46 балл яьккхача Селий мехко дӀайихьар хьалхара моттиг, шоллагӀча лагӀа тӀа эттар вай спортсменаш - 42 балл, 12 балл яьккха хӀирий мохк кхоалагӀча моттиге хилар»,- йоах тхогарча хоамо.
ЗӀамагӀа болча кӀаьнкашта юкъе толашагӀа хилар МутаӀаланаькъан Мухьаммад, Мержой Ӏаддал-Малик, Гарданаькъан Абукар. Кагирхошта юкъе белгалбаьлар Зурабанаькъан Ӏимран, МутаӀаланаькъан Ӏаддал-Малик, Боканаькъан Асхьаб.
