«Кибер-Хьалхарбарий» проекта шоллагӀча даькъе котбаьннараш белгалбир
19.09.2025 16:46
ГӏалгӀайче хьакхайкабир «Кибер-Хьалхарбараш» яхача мехка проекта шоллагӀча даькъе котбаьннараш, яхаш, дийцар «Сердало» газетага ГӏалгӀай Республикан «Хьалхарчар болама» викалаша.
«Цу даькъ тӀа бераш шоашта Интернете хьагойташ хиннача кхерамзлен темах фу хов хьежача чакхдоалаш дар. Доакъашхошта дагадехар дунен бувзама оагӏонаш миштай, малагӀа кхерам бахьаш хила йиш я цига гӀолла, мишта лораергья зуламхоех, вирусех ший аккаунт. Цу тайпара духьалъоттара къовсамга гӏолла хьахержар 24 ГӏалгӀайчен дешара моттиг», - аьлар хоамо.
