ГАИ болхлоша шоай декхараш мишта кхоачашду техкар
ГАИ оагӀон болхлоша шоашта хьалхашка латта лоархӀаме декхараш малагӀча боараме кхоачашду техкар республикерча МВД кулгалхоша, юкъарча совета. Из хоам «Сердалога» бир цу моттигера.
«МРЭО баха хилар укх деношка чухьарча гӀулакхех болча оагӀон кулгалхочун гӀонча, полице полковник вола Маммаев Багомеди, МВД юкъарча совета хьалхалатта Гаданаькъан Мусаи. Болх беш йолча кабинеташка хьожаш, регистрацеца, машинаш учетера Ӏояхарах долча гӀулакхаца бувзабенна болх цар мишта бу техкар цар. Цул совгӀа, цхьацца гӀулакхаш чакхдаха цига хьабаьхкача нахаца къамаьл дир. МРЭО ГАИ болхлоша дийцар, машин лалла бокъо луш дола каьхат хьаэцара тӀехьа шоаш дӀакхухьача экзаменах», - йоах хоамо.
Белгалде деза, иштта бола болх мехкарча хӀара моттиге беш латтилга. Цу гӀулакхо чӀоагӀбу МВД оагӀони бахархоштеи юкъера бувзам.
Экзаменаш эцаш, регистраци еш болча оагӀон къахьегамхоша дӀахьоча балха раьза хилар Гаданаькъан Муса. Наькъашкара бокъонаш лоархӀаш хилара тӀахьийхар цо машинашца лелараш.
